من اول ما عرفت إن البحر دمعة قهر به عمت
.................. إلين أصبحت في جوف الورق غرقان في سـطري
أتمتم بالكلام اللي كتبته وأمسحه لانــمــــت
.................. أخاف أحلم وأكمل ماكـــتــبـــت وينفضح ســـري
ويدرون الملا عن ماحبسته بالحشى وأقسمت
.................. أخبيه لذبول آخر ورود الــحــب في حـــجـــري
ومر الوقت وإحساسي مابين آلمت / ما آلمت
................. وظهري يرقبه عين ٍ تلد تشوف مايجري
وفجأة .. خالط الموقف شهيق المذنب اللي لمت
..................... ونبظاته بدت تزعج حشاي وتقترب حدري
مسك كتفي وهو يهمس ( تراني في غيابك صمت )
.................... وحظني وأنفتح دفتر دموع ٍ من شهر مقري
نزعت إيده ونفضت اللي بلبسي من غبار وقمت
................... وخليت الذي يبكي ورى ظهري .. ورى ظهري
ليست هناك تعليقات:
إرسال تعليق